|
Liquidation des arrerages de l’acquit fait par Marin Feuilloley sur
les héritages de Pierre Noel, frère de Guillaume présent (25 avril
1633) |
(Archives départementales de la Seine-Maritime - 2E49/162) (1 fol.
papier)
Transcription : Guillaume Lemaitre
" [fol.1r] Du samedy vingt cinq iesme
jour d’apvril mil six centz trente trois a fescamp devant
marin hellain tabellion roial en la viconte de monstiviller
pour le siege de fescamp et maistre pierre le thiais sergeant
roial adjoinct Fut present Guillaume Noel demeurant en la
parroisse de froberville filz puisné et coheritier de deffunctz
Robert Noel et de marion Vacquerie ses pere et mere lequel
de son bon gré et vollonté a recongnu et confesse avoir
eub et receu comptant d’honeste personne marin feuilloley
maistre de batteau demeurant en la parroisse de Cricquebeuf
au val d’iport present et acceptant c’est assavoir la somme
de vingt quatre livres six solz huit deniers en bon et loial
paiement, faisant la quatriesme partie de la somme de quatre
vingtz dix sept livres six solz huit deniers demeurees es
mains dudict Foeullolley par le contract d’acquisition d’heritage
par luy faict de pierre noel frere aisné dudict françois
noel passé devant nousdit hellain tabellion le huit iesme
jour de mars mil six centz vingt pour l’assurance du droict
du tiers que les freres et sœurs puisnés dudict pierre noel
pourroient prendre et demander sur lesdictz heritages par
luy vendus audict foeuilloley par ledict contract cy dessus
dabté et [?] ledict Guillaume noel a presentement receu
dudict foueilloley tous et chacuns les arrerages et prorata
de tous le passé jusques a ce jour pour lesditz vingt quatre
livres isx solz huit deniers qui se sont trouvés luy estre
deubz et escheuz depuis ledict huit iesme [fol.1v] mars
mil six centz vingt jusqes a ce jourd’huy dont du tout ledict
Guillaume noel en a tenu et tien quitte ledict marin foeulloley
et l’en promet aquiter et descharger envers tous et contre
tous renonsant icelluy Guillaume noel a ne jamais rien pretendre
ny demander soit en proprieté usufruit ou aultre voie generallement
quelconques de tout le passé a l’advenir sur lesditz heritages
acquis par ledict marin foeuilloley dudict pierre noel son
frere aisné. Accordant ledict Guillaume Noel que a la presence
ou absence et touttefois et quantes mention soict faitte
du present paiement a luy faict par ledict foeuilloley tant
sur la minute du registre dudict contract de vente que sur
celluy levé en forme par ledict foeuillolley par ce que
lesditz endotz et esmargementz et le present aquit ne vauldront
que pour ung seul et mesme aquict et descharge promettant
ledict Guillaume noel tout ce que dessus tenir fournir garanthir
et entretenir, etc…, sur l’obligation de tous ses biens
etc…En tesmoing de quoy etc…, presentz maistre Andrieu desmont
sergeant roial en la sergenterie de Godarville demeurant
a fescamp et Jehan duthuit demeurant en la parroisse de
Sorquainville tesmoings.
le merc dudit Guillaume
Noel |
(signature de Marin Feuilloley) |
|
|
|
ERROR - Either this page is not available or this option
is not added to the list of authorized elements. |
|
|